𝐍𝐀𝐑𝐀 係泰國當地有名的連鎖品牌，海外分店擴展到到新加坡、香港、台灣、越南、印度、緬甸、斯里蘭卡各國，而 👦🏻👧🏽 就係香港試過，今次就親身嚟到泰國食正宗泰式料理！



🍱 NARA’S Mix Appetizer
小食拼盤兩至三人份量，有春卷 🥟 餃子、串燒、魚餅、炸蝦等十分豐富，除了魚餅有點驚喜，其他都好一般



🦐 Ayutthaya River Prawns with Red Curry Sauce
最期待但卻最失望既菜式，紅咖喱大頭蝦唔新鮮仲有些少霉 🫠 唯一可讚係蝦膏蝦味濃又香口




🥘 Beef Cheek and Three Roots Massaman
瑪莎曼咖哩配牛面頰，咖喱唔算辣，帶有桂皮八角作點綴，配菜有紫薯同薯仔。牛肉有兩件 🐂 一件口感軟腍，另一件則又嚡又靭，太大對比～



🥠 Omelette Soup with Pork Ball and Lettuce
第一次見識到奄列配湯，頭湯香濃，而奄列味道都不錯，仲有豬肉粒同娃娃菜，健康菜式之選 🥬



🍹 Lychee Juicy
荔枝汁、泰式米漿、鮮青檸汁、伯爵茶青檸汁、伯爵茶糖醬、檸檬汽水以上配搭成飲品，口感清新，酸酸甜甜，入口香茅檸檬味重 🍋



🍋 Lemon Lime Soda
金桔汁、檸檬汁、糖漿、檸檬梳打水，味道偏酸


🍹Iced Longan
龍眼冰 正常發揮


因為係香港食過覺得出色先想到一試泰國總店，結果有點失望 🙃 裝潢、服務一流，Nara 每間分店都置於各大型商場中，貴價菜式但名過於實，當下寧願食返街邊檔好了 😩


𝐅𝐨𝐥𝐥𝐨𝐰 𝐟𝐚𝐭𝐟𝐚𝐭 👧🏽👦🏻 帶你食盡泰國

相信不少人都認識 𝖠𝖿𝗍𝖾𝗋 𝖸𝗈𝗎 🍧 香港亦有分店，但 👧🏽👦🏻💡 仍然會去打卡，因為價錢真係平太多，加上香港分店已經愈來愈少 😅 既然一場來到，不如食左先講～



🥭 𝘔𝘢𝘯𝘨𝘰 𝘚𝘵𝘪𝘤𝘬𝘺 𝘙𝘪𝘤𝘦 𝘬𝘢𝘬𝘪𝘨𝘰𝘳𝘪
必點人氣招牌 🍧 芒果糯米飯刨冰，曼谷咁熱食冰凍刨冰就最適合 🥰 刨冰下仲有芒果、糯米飯。另外配有芒果醬同椰汁 🥥 按自己喜好添加



🍞 𝘕𝘶𝘵𝘦𝘭𝘭𝘢 𝘛𝘰𝘢𝘴𝘵
榛果朱古力醬吐司 ❤️ 烘烤得鬆軟，配上朱古力醬同雲呢拿雪糕，多重口感十分滋味 🤤


兩款甜品只需 THB540，大約港幣135 🤭 呢個價錢只可以係香港食一個芒果糯米飯刨冰～曼谷既 𝘈𝘧𝘵𝘦𝘳 𝘺𝘰𝘶 咁平 🎉 點可以錯過！